"A Estiba"

Comeza a rodaxe da nova serie de ficción para a TVG

luns, 24 de xuño de 2019

Un barco con toda a súa tripulación masacrada atraca no porto da localidade de Ardora. Cando a policía investiga o acontecido, descobre que no porto rexe unha soa lei, a do silencio. Ardora é unha cidade próspera, de tamaño medio, na que os seus e as súas habitantes viven da actividade comercial e industrial do seu porto, pero que como contraprestación conta cos índices de criminalidade máis elevados do país.
Este é o punto de partida de ’A Estiba’, un thriller de 15 capítulos dirixido por Miguel Conde, cuxa estrea na grella da canle pública está prevista para a próxima tempada de outono-inverno.
Voz Audiovisual, creadora de series de éxito da Galega como ‘Matalobos’ e ‘Serramoura’, é a produtora que dá vida a este proxecto, para o que conta con intérpretes como Luis Iglesia, Ana Santos, Melania Cruz, Desiré Pillado, Paula Cereixo, Pablo Rivero, Machi Salgado, Toni Salgado, Chus Álvarez ou María Roja, entre moitxs outrxs.

"Neorretranca e posmorriña" en xira

Calendario da última montaxe do CDG

mércores, 05 de xuño de 2019

MAIO 2019

TUI I Teatro Municipal
Venres 10
21:30h

PONTEVEDRA I Sede AFundación
Venres 17
20:30h

A CORUÑA I Teatro Rosalía Castro
Venres 24
Sábado 25
20:30h

O BARCO DE VALDEORRAS I Teatro Municipal Lauro Olmo
Venres 31
21h

XUÑO 2019

OURENSE I Auditorio Municipal
Xoves 6
20:30h

RIANXO I Auditorio Municipal
Venres 14
21h

SANTIAGO DE COMPOSTELA I Salón Teatro
Xoves 27
Venres 28 (función inclusiva)
Sábado 29
21h
Domingo 30
19:30h

XULLO 2019

VIGO I Teatro Afundación
Venres 5
20:30h

+info:
http://centrodramatico.xunta.gal

"Nómades" en Rianxo

Teatro familiar a cargo da compañía Xarope Tulú

martes, 04 de xuño de 2019
"Nómades" en Rianxo

Tres corpos de costas, dúas xaboeiras, unha chepa e ocos; moitos ocos.

Como definir un corpo? A través dos paseos en bicicleta, ou polas bágoas provocadas logo dunha caída, ou polos sucos nas pernas ou se cadra pola capacidade de axustarse ó molde da saia, ou do pantalón…?

Nómades é un espectáculo de carácter visual dirixido a tódolos públicos: onde o movemento, a escenografía e a luz se relacionan entre si constantemente , sendo en ocasións difícil de definir onde comeza e remata cada un dos elementos que conforman a proposta. As intérpretes transitan entre as porosidades dunha escenografía en constante movemento, abren espazos de conversa sobre o tránsito entre xéneros e habitan o nomadismo como ruptura posible dos moldes impostos.

+info:
https://www.xaropetulu.com/

"Nómades" no Zig Zag

Gena Baamonde e Atenea García entrevistadas na TVG

martes, 04 de xuño de 2019
"Nómades" no Zig Zag

Para ver a entrevista, premer no seguinte enlace:
http://www.crtvg.es/informativos/xarope-tulu-outros-teatros-posibles-para-os-mais-novos-4131155

+info:
https://www.xaropetulu.com/

Who´s gonna care

María Roja participa no novo videoclip de ORDET

luns, 20 de maio de 2019

Jesús Andrés Tejada, de CintaAdhesiva, dirixe o novo videoclip da banda ORDET, no que colaboran as artistas María Roja, Silvia Penas e Marta Pérez.

www.ordetband.bandcamp.com

Fillas e fillos de Cans

"9 FUGAS" no Festival de Cans

xoves, 09 de maio de 2019
Fillas e fillos de Cans

9 FUGAS, o filme dirixido por Fon Cortizo, comeza a súa viaxe coa presentación do proxecto, en fase de posprodución, no Festival de Cans. Así pois, poderá degustarse un petisco deste traballo o vindeiro venres 24 de maio ás 16:30h no Baixo do Moncho, dentro do apartado "Fillas e fillos de Cans". O creador compartirá velada con Jorge Coira, Paula Cons, Liliana Torres e Roi Fernández, que avanzarán tamén os seus respectivos proxectos.

En 9 FUGAS, unha orquestra investiga os sons do pasado que evocan a historia de tres mulleres obrigadas a fuxir. A orquestra improvisa. A súa música ten o poder de evocar historias, de impulsar a fantasía. Cada un dos músicos conta unha das historia a través do seu instrumento. Nove fugas. Nove historias que procuran unha saída.

9 FUGAS
Galicia / 2018 / Longametraxe / Ficción / Galego
Dirección: Fon Cortizo
Elenco: María Roja, Olga Cameselle, Ailén Kéndelman, Areta Bolado, Noelia Castro, Marta Pérez, Paco Barreiro
Guión: Fon Cortizo
Fotografía: Javier Álvarez
Dirección musical: Orquestra Fugaz de Improvisación Industrial, Xavier Núñez Bértolo e David Santos
Produción: Fon Cortizo e Alexandre Cancelo

+info:
http://www.festivaldecans.gal/es/es-programa-venres-24-xvi/

1 | ... | 9 | 10 | 11 | 12 | 13 | 14 | 15 | 16 | 17 | ... | 74