Comezan os ensaios de "Neorretranca e posmorriña"

María Roja formará parte do elenco da nova produción do CDG

sábado, 09 de febreiro de 2019
Comezan os ensaios de

O Centro Dramático Galego (CDG) contará cun elenco integramente feminino para a súa nova produción propia, Neorretranca e posmorriña, que se estreará o vindeiro 11 de abril no Salón Teatro de Santiago de Compostela baixo a dirección escénica de Gena Baamonde. As intérpretes Ánxela Blanco, Areta Bolado, Olga Cameselle, Mercedes Castro, Raquel Espada, Anabell Gago, Atenea García, Andrea Quintana, María Roja e Laura Villaverde foron as seleccionadas para encarnar todos os personaxes das dúas pezas que lle darán forma ao espectáculo: Fantasía nº 5 en sol ou non, de Esther F. Carrodeguas, e Boisaca ou a divina desgraza, de Roi Vidal Ponte.

As dez superaron un proceso de selección ao que se presentaron medio cento de aspirantes e conforman un elenco moi variado en canto á formación e á traxectoria das súas integrantes en ámbitos como o teatro, as artes do movemento ou o audiovisual. O vindeiro luns iniciarán os ensaios xunto a Gena Baamonde e o resto do equipo artístico, tamén maioritariamente feminino.

Así, xunto ao persoal técnico do CDG, participarán nesta nova produción Marta Pazos, a cargo do deseño da escenografía; Saturna, do vestiario; Esther Quintas, da caracterización; Wilma Moutinho, da iluminación; Ailén Kendelman, da música e do adestramento vogal; María Cabeza de Vaca, da coreografía e do adestramento físico; e Rosa Moledo, da asesoría lingüística. Contarase, ademais, con Iria Azevedo como asistente de dirección; Carmen Triñanes, de escenografía; María Alonso Velázquez, de música e adestramento vogal, e Hugo Torres, de produción.

O común denominador dos dous textos de Neorretranca e posmorriña é a identidade galega, sobre a que ofrecen dúas olladas diferentes a modo de colaxe. En palabras da súa directora, Sinfonía en sol maior ou non preséntase como unha "fantasía aberta ao xogo escénico, catálogo-secuencia de múltiples imaxes dunha terra por facer", mentres que Boisaca ou a divina desgraza é "humor negro en cemiterio turístico nun tour completo polos límites da vida".

+info:
http://centrodramatico.xunta.gal/cdg/novas/nova.php?id=1510&lg=gal

"Sofía e as Postsocráticas" volve aos escenarios

A última montaxe de Inversa Teatro inicia a súa xira

martes, 22 de xaneiro de 2019
"Sofía e as Postsocráticas" volve aos escenarios

Sofía e as Postsocráticas, a última montaxe da compañía Inversa Teatro, volve á Illa de Arousa, onde desenvolveu a residencia técnica antes da súa estrea. A cita co público será o vindeiro 25 de xaneiro no Auditorio Municipal, ás 21h.

A seguinte data para poder asistir á obra, será o día 8 de febreiro en Barbadás, na Casa de Cultura "Manuel María", ás 20h.

Sofía e as Postsocráticas é unha obra que versa sobre a violencia machista, afondando nas causas da estrutura do maltrato. Sócrates, Platón e Aristóteles, as tres personaxes en escena, tratarán de buscar un novo logos, é dicir, un novo patrón interpretativo da realidade no que se poida facer o cálculo do que é ou o que non é violencia machista. Xunto coa interpretación de personaxes e o emprego de máscaras, a dramaturxia conta tamén con elementos visuais e sonoros que axudarán na reflexión de cal é a nosa responsabilidade como sociedade ante este tema. O pacto patriarcal, o silencio como resposta, o valor ontolóxico, o victim blaming, a negación ou o síndrome espectador son os fíos argumentais polos que transita a peza.

+info:
www.inversateatro.com
www.facebook.com/inversateatro

A la mà, la memòria

Performance inaugural a cargo de María Roja e asformigas

luns, 07 de xaneiro de 2019
A la mà, la memòria

Debuxo: asformigas

A artista asformigas inaugura o vindeiro 17 de xaneiro ás 19h o proxecto A la mà, la memòria, desenvolvido como parte do ciclo de exposicións “Un monstre que diu la veritat”, comisariado por Pilar Cruz para o Espai 13 da Fundació Joan Miró.

asformigas parte do tear de cintura, unha ferramenta preindustrial, para reflexionar sobre os modos de produción, o concepto de traballo e a xeración ou transmisión de coñecemento. Esta ferramenta milenaria conecta o corpo da tecedora coa natureza e reconcilia a produción téxtil coa medida humana. Refutando o modo de produción industrial, é o corpo o que impón a súa forma e movemento ao tecido, fronte a un modo de produción alienante e devastador. Á súa vez, o proxecto reflexiona sobre como a memoria herdada do corpo e dos seus movementos nos conecta cunha maneira máis orgánica de estar no mundo, resituando as cousas ás que lle damos valor.

Como acción inaugural, María Roja estreará a performance site-specific Facerse-a, Enredarse-ante, Tornarse-baixo, na que contará coa colaboración de Vanesa Varela, Sabela Eiriz e Marta Iriarte.

+info:
https://www.fmirobcn.org/es/exposiciones/5748/en-la-mano-la-memoria
http://asformigas.info/a-la-ma-la-memoria/

Xarope Tulú estrea o ano sobre as táboas

Teatro familiar en Nadal

martes, 01 de xaneiro de 2019
Xarope Tulú estrea o ano sobre as táboas

NÓMADES I 2 xaneiro I Barbadás, Casa da Cultura Manuel María I 19h.

NÓMADES é un espectáculo de carácter visual dirixido a tódolos públicos: onde o movemento, a escenografía e a luz se relacionan entre si constantemente , sendo en ocasións difícil de definir onde comeza e remata cada un dos elementos que conforman a proposta. As intérpretes transitan entre as porosidades dunha escenografía en constante movemento, abren espazos de conversa sobre o tránsito entre xéneros e habitan o nomadismo como ruptura posible dos moldes impostos.

+info:
www.xaropetulu.com
www.facebook.com/xaropetulu

Festival M de Cine

"Sendeiro" acada a mención especial do xurado

luns, 31 de decembro de 2018
Festival M de Cine

+info:
www.gaitafilmes.com
https://m.facebook.com/sendeiroshortfilm/

Queres que cho conte?

Xira de Nadal de Palimoco Teatro

martes, 18 de decembro de 2018

"Queres que cho conte?" é unha peza composta por varios contos dramatizados, da compañía Palimoco. Está dirixida ao público familiar e baséase nos contos da tradición oral lucense. Dirixida por Paloma Lugilde e interpretada por ela mesma en compañía de Sabela Eiriz, Sergio Zearreta, Santi Romay e María Roja, percorrerá os concellos da provincia de Lugo durante este Nadal.

22 DEC
Mondoñedo I Casa da Xuventude I 11:30h.
Becerreá I Casa da Cultura I 16:30h.

23 DEC
Palas de Rei I Salón de Actos da Casa de Cultura I 16:30h.
Monterroso I Salón de Actos do Centro Sociocultural de Xuventude e Terceira Idade I 19:30h.

24 DEC
Outeiro de Rei I Salón de Actos da Casa de Cultura I 12h.
Begonte I Casa de Cultura I 16h.

26 DEC
O Páramo I Casa Consistorial I 16:30h.
Paradela I Antigas Escolas I 19:30h.

27 DEC
Muras I Local social I 16:30h.
Abadín I Concello Novo I 19:30h.

28 DEC
Carballedo I Salón de Actos do Concello I 16:30h.
Taboada I Salón de Actos do Cuartel Vello I 19:30h.

29 DEC
Xermade I Biblioteca Municipal de Xermade I 12h.
O Valadouro I Casa da Cultura I 18h.

30 DEC
Lugo I Praza de Abastos I 12h.
Pobra do Brollón I Casa de Cultura “Olga Novo” I 17h.

31 DEC
Pedrafita do Cebreiro I Casa da Cultura I 12h.
Guntín I Casa da Cultura I 18h.

2 XAN
Triacastela I Fonte do Luar I 16:30h.
Samos I Vivendas Comunitarias I 19:30h.

3 XAN
Barreiros I Centro sociocultural Díaz Sampedro de San Cosme I 12h.
Cervo I Salón de Actos da Casa do Concello I 16h.

4 XAN
Cospeito I Casa da Cultura de Feira do Monte I 16:30h.
Castro de Rei ICentro Cultural Xosé Manuel Carballo de Castro de Rei (Teleclube) I 19:30h.

+info:
https://palimoco.wordpress.com
https://www.facebook.com/palimocoteatrodanza/
https://www.facebook.com/Queres-que-cho-conte-865448533628662/

1 | 2 | 3 | 4 | 5 | 6 | 7 | 8 | 9 | ... | 62