maría roja

"Nun cuarto da rotonda", estrea de Acusmaser Opus

María Roja é a responsable do deseño do espazo escénico

Domingo, 21 de julio de 2019
"Nun cuarto da rotonda", estrea de Acusmaser Opus

A compañía galega de nova creación Acusmaser Opus comeza a súa andaina profesional coa estrea do seu primeiro espectáculo, NUN CUARTO DA ROTONDA, na 35ª edición da Mostra Internacional de Teatro de Ribadavia. A cita será o domingo 21 de xullo ás 20:30h na Igrexa da Madalena. Así mesmo, o luns seguinte, ás 21h no mesmo espazo, terán lugar unhas ponencias e un coloquio arredor da peza. Ante un público constituído non só por afeccionados ao teatro, senón tamén por teóricos, programadores e profesionais da escena, contaremos coas intervencións de Manuel García Martínez, especialista en Beckett e profesor da USC, Manuel F. Vieites, teórico de teatro, gran coñecedor da obra de Pinter e profesor da ESAD, e Pablo Seoane, tradutor d’A última cinta de Krapp e autor do espazo sonoro do espectáculo que aquí se estrea. Na conversa estarán presentes tamén os actores e o director de Acusmaser Opus.

Baixo o título “Nun cuarto da rotonda” (Beckett + Pinter), exhibimos os espectáculos “Last Tape’s Krapp”, de Samuel Beckett, e “The Dumb Waiter”, de Harold Pinter.
A función está dividida en dúas partes. Na primeira veremos “Last Tape’s Krapp”, un monólogo onde contemplamos a desesperación do seu único personaxe que manipula unha gravadora onde escoita as cintas nas que garda impresións da súa vida recollidas trinta anos atrás. Krapp non se recoñece a si mesmo e grava unha nova cinta coas impresións do presente. Estas resultan ser unha autocrítica sen piedade da súa xuventude.
Na segunda parte veremos “The Dumb Waiter”. Nesta obra, os dous protagonistas agardan ordes dunha entidade superior para acometer o seu traballo. Ben agarda pacientemente, pero Gus está inquieto e incómodo. Cuestiona o seu superior, un tal Wilson, ao que non vemos, e lanza continuas preguntas ao seu compañeiro. Ben vaise incomodando progresivamente ata acabar por botarlle as mans ao seu molesto parceiro. Para rematar, chéganlles ordes absurdas por medio de notas transferidas nun pequeno montacargas de hostalería disposto nunha das paredes do cuarto que habitan. Unha desas ordes será a da eliminación física dun ser humano.
Estas dúas comedias teñen en común que ambas se desenvolven nun cuarto. Tamén nas dúas os seus protagonistas manifestan a confusión propia de quen dá voltas nunha rotonda e non sabe qué camiño elixir; o camiño que vai ou o camiño que volve.

NUN CUARTO DA ROTONDA:
Compañía: Acusmaser Opus & Ainé Producións
Autoría: Harold Pinter & Samuel Beckett
Dirección: Evaristo Calvo
Intérpretes: Federico Pérez, Evaristo Calvo, Santi Romay
Deseño do espazo escénico: María Roja
Espazo lumínico: Octavio Mas
Espazo sonoro: Pablo Seoane
Produción: Rubén G. Pedrero, Iago Cañete, Uxía García
Indumentaria-Caracterización: Acusmaser Opus
Fotografía: Marcos Pereiro
Audiovisuais: Marcos PTT. Guitián
Agradecementos: Carolina Rodil, Xosé Rodríguez

+info:
https://mitribadavia.gal/
http://aine.gal/

I Festival Internacional de Performances Mínimas Urbanas en Vídeo

"2419CJX #7" de Roja+Cuquejo, entre las obras seleccionadas

Jueves, 18 de julio de 2019
I Festival Internacional de Performances Mínimas Urbanas en Vídeo

El Festival Internacional de Performances Mínimas Urbanas en Vídeo “Cuerpo urbano en acción” reúne en su primera edición, a través de una convocatoria abierta internacional, un conjunto de trabajos videográficos que recogen acciones mínimas realizadas en el espacio urbano. El concepto de acción “mínima” no es solo cuantitativa por su duración, sino que también es cualitativa por su significación ambivalente que conlleva otras formas de relacionarnos con una ciudadanía ocasional y su entorno urbano en el que habitamos y compartimos cotidianamente como transeúntes fugaces.
El Festival es de espíritu nómada y se plantea como un dispositivo portátil digital que será proyectado en salas universitarias y espacios de arte de distintos países (Portugal, Holanda, Francia, Brasil, México, Argentina, Canadá y España) entre septiembre y diciembre de 2019.
Entre las obras seleccionadas, se encuentra la pieza "2419CJX #7" de las artistas María Roja y Begoña Cuquejo.

+info:
https://urbanbodyinaction.wixsite.com/urbanbodyinaction

"Neorretranca e Posmorriña" despídese do público

Remata a xira da última produción do CDG

Lunes, 01 de julio de 2019
"Neorretranca e Posmorriña" despídese do público

A derradeira función de "Neorretranca e Posmorriña" terá lugar o 5 de xullo ás 20:30h no Teatro Afundación de Vigo.

Grazas a todo o equipo, por tanto xogo, tanta entrega e tanta sororidade. E moitas grazas a todo o público que nos acompañou neste voo.

+info:
http://centrodramatico.xunta.gal/

"A Estiba"

Comeza a rodaxe da nova serie de ficción para a TVG

Lunes, 24 de junio de 2019

Un barco con toda a súa tripulación masacrada atraca no porto da localidade de Ardora. Cando a policía investiga o acontecido, descobre que no porto rexe unha soa lei, a do silencio. Ardora é unha cidade próspera, de tamaño medio, na que os seus e as súas habitantes viven da actividade comercial e industrial do seu porto, pero que como contraprestación conta cos índices de criminalidade máis elevados do país.
Este é o punto de partida de ’A Estiba’, un thriller de 15 capítulos dirixido por Miguel Conde, cuxa estrea na grella da canle pública está prevista para a próxima tempada de outono-inverno.
Voz Audiovisual, creadora de series de éxito da Galega como ‘Matalobos’ e ‘Serramoura’, é a produtora que dá vida a este proxecto, para o que conta con intérpretes como Luis Iglesia, Ana Santos, Melania Cruz, Desiré Pillado, Paula Cereixo, Pablo Rivero, Machi Salgado, Toni Salgado, Chus Álvarez ou María Roja, entre moitxs outrxs.

"Neorretranca e posmorriña" en xira

Calendario da última montaxe do CDG

mércores, 05 de xuño de 2019

MAIO 2019

TUI I Teatro Municipal
Venres 10
21:30h

PONTEVEDRA I Sede AFundación
Venres 17
20:30h

A CORUÑA I Teatro Rosalía Castro
Venres 24
Sábado 25
20:30h

O BARCO DE VALDEORRAS I Teatro Municipal Lauro Olmo
Venres 31
21h

XUÑO 2019

OURENSE I Auditorio Municipal
Xoves 6
20:30h

RIANXO I Auditorio Municipal
Venres 14
21h

SANTIAGO DE COMPOSTELA I Salón Teatro
Xoves 27
Venres 28 (función inclusiva)
Sábado 29
21h
Domingo 30
19:30h

XULLO 2019

VIGO I Teatro Afundación
Venres 5
20:30h

+info:
http://centrodramatico.xunta.gal

"Nómades" en Rianxo

Teatro familiar a cargo da compañía Xarope Tulú

martes, 04 de xuño de 2019
"Nómades" en Rianxo

Tres corpos de costas, dúas xaboeiras, unha chepa e ocos; moitos ocos.

Como definir un corpo? A través dos paseos en bicicleta, ou polas bágoas provocadas logo dunha caída, ou polos sucos nas pernas ou se cadra pola capacidade de axustarse ó molde da saia, ou do pantalón…?

Nómades é un espectáculo de carácter visual dirixido a tódolos públicos: onde o movemento, a escenografía e a luz se relacionan entre si constantemente , sendo en ocasións difícil de definir onde comeza e remata cada un dos elementos que conforman a proposta. As intérpretes transitan entre as porosidades dunha escenografía en constante movemento, abren espazos de conversa sobre o tránsito entre xéneros e habitan o nomadismo como ruptura posible dos moldes impostos.

+info:
https://www.xaropetulu.com/

1 | 2 | 3 | 4 | 5 | 6 | 7 | 8 | 9 | ... | 62